لو بتدوّر على أحلى مطاعم تاكل فيها بيتزا في الاسكندرية يبقى المقالة دي ليك. المطاعم اللي هنرشحها في المقالة دي مميزة جداً ومعظمها مش الترشيحات العادية اللي زي Pizza Hut والكلام ده. هنقولك أجمد أماكن بتعمل بيتزا في الاسكندرية غالباً انت مكنتش تعرفها.
Table of Contents
أفضل مطاعم بيتزا في الاسكندرية1. توميتو باي – Tomato Pie2. تشاو بيتزا – Ciao Pizza3. دييجوس بيتزا – Diego’s Pizza4. بيتزا ستيشن – Pizza Stationأفضل مطاعم بيتزا في الاسكندرية
قبل ما نبدأ وكالعادة، المطاعم مش مترتبة بالأحلى، كل المطاعم دي احنا جربناها وعجبتنا وهنقولك أحلى الأصناف اللي ممكن تطلبها من كل مطعم فيهم. يلا بينا نبدأ؟
1. توميتو باي – Tomato Pie
توميتو باي يعتبر من مطاعم البينزا الجديدة نسبياً و هو تبع سلسلة هولمز اللي بيقدمو واحد من احلى سندوتشات البرجر في الاسكندرية. صاحب توميتو باي شغوف جداً بالطبخ وبيخترع أكلات وطرق طبخ جديدة وله متابعين كتير على السوشيال ميديا. توميتو باي بيتميز ان مكونات البيتزا عنده من اولها لاخرها جودتها مميزة وده بيبان في الطعم. أحد عيوب توميتو باي بالنسبالي انه غالي شوية بس للأسف كل المطاعم اللي هرشحها في المقالة دي تعتبر غالية وده أحد العيوب المشتركة بينهم.
أطلب ايه من توميتو باي؟من البيتزات اللي مش هتدوق زيها غير عند تشاو بيتزا (وده هتكلم عليه برضه في المقالة دي) هي السي فوود سلاب Seafood Slap ودي بتكون بيتزا فيها كليماري وجمبري وكابوريا واجمد ميكس معاهم هو صوص الرانش. فيه برضه الكريسبي تشيكن رانش Cripsy Chicken Ranch ودي برضه فيها رانش صوص بس فيها فراخ محمرة ومقرمشة.
2. تشاو بيتزا – Ciao Pizza
تشاو بيتزا بالنسبالي هو من أقوى مطاعم البيتزا في الاسكندرية لعدة أسباب. أولاً انا اول مرة ادوق البيتزا اللي بالسيفوود والرانش صوص كانت عند تشاو وبصراحة كانت تحفة ومن أحلى البيتزات اللي كلتها. ثانياً التوبينج في أي بيتزا من تشاو بيبقى محترم والبيتزا بتبقى مخدومة جداً وملينة عالاخر. بس زي ما قلت من شوية ان الاسعار بتاعت المطاعم في المقالة دي نقطة ضعف شوية بس يستحقو التجربة من وجهة نظري.
أطلب ايه من تشاو بيتزا؟طبعاً واضح من اختياراتي مع المطعم اللي فات اني بحب الرانش صوص اوي فهرشحلك السيفوود رانش Seafood Ranch بيتزا من تشاو وهي شبه جداً الSeafood Slap بتاعت توميتو باي.
3. دييجوس بيتزا – Diego’s Pizza
دييجوس بيتزا من الخيارات اللي كل اللي جربوه بيشكر فيه وفي جودة البيتزا والمكونات. بصراحة مجربتش دييجوس بنفسي بس سألت أكيلة كتير وأغلبهم اتفق على ان دييجوس من الخيارات اللي لازم تتجرّب. دييجوس له فرعين واحد في ثروت والتاني في سموحة بس فرع سموحة دليفري بس. دييجوس عنده عروض زي معظم مطاعم البيتزا في اسكندرية فا اسأل عن العروض قبل ما تطلب. تقدر تتصل على 01112220191 للطلب من فرع سموحة او 01119088817 لفرع ثروت.
4. بيتزا ستيشن – Pizza Station
بيتزا ستيشن من المطاعم القديمة في اسكندرية وليهم أكتر من 7 فروع. هما بالنسبالي شبه اوي Papa Johns بالذات عجينة البيتزا اللي بيكون ليها طعم مميز كده عن باقي المطاعم. اللي بيميز بيتزا ستشين انه مصري ومن البدائل اللي بحبها للمطاعم الاجنبية زي بيتزا هات وبابا جونز. جدير بالذكر ان كل المطاعم اللي في القائمة دي مصرية 100% و جودتهم بالنسبالي زي وتعدي كمان جودة مطاعم تانية عالمية.
أطلب ايه من بيتزا ستيشن؟انا دايماً بطلب العرض بتاع 3 بيتزا لارج لما بكون انا وعيلتي بناكل، العرض ده بيكفينا احنا ال4 وبنبقى واكلين براحتنا. أنواع البيتزا اللي دايماً بجيبها من بيتزا ستيشن هما البيبروني و التشيكن رانش والميت لافرز (meat lovers). ساعات برضه بجيب التشيز لافرز (cheese lovers) وده ارشحهولك لو انت بتحب الجبنة الكتير.
